Ferðáætlun sumarsins 2016.

Legg ég til að félagar sameinist á eftirtöldum stöðum í upphafi allra ferða.
Akureyri N1 á Leirum
Dalvík Olís planið
Ólafsfjörður Bensínstöð N1
Siglufjörður Olís planið
Hofsós KS planið
Sauðárkrókur N1 planið
Varmahlíð KS planið
Blönduós N1 planið
Skagaströnd Olís planið

Ferðaáætlun Smaladrengja árið 2016

Sumardagurinn fyrsti 21. apríl

Safnast saman á planinu við KS Varmahlíð kl:13:30. Gísli Prestur með hugvekju eins og tíðkast hefur undanfarin ár. Þaðan verður hjólað saman út á Krók þar sem boðið verður upp á kaffi og lummur hjá maddömunum við Minjahúsið. Nánar síðar á www.smaladrengir.is og Facebook síðu Smaladrengja

Maí

Sunnudagurinn 1. maí. Hópkeyrsla Snigla í Reykjavík. Mæting hjá ?????? kl: ????? nánar á www.sniglar.is Þeir sem ætla suður á fimmtudegi, sjá nánar auglýsingu á miðvikudagskvöldi. Þeir sem ekki fara suður, en vilja hjóla, mæti á N1 Sauðárkróki kl: 13:00. Þaðan verður hópkeyrsla. Þeir sem ætla samdægurs dugar ekki annað en fara snemma t.d.kl: ??????

Fimmtudagurinn 5 maí uppstigningardagur. Hjólatúr ef veður leyfir. Nánar auglýst á www.smaladrengir.is og Facebook síðu Smaladrengja

Laugardagurinn 28. eða sunnudagurinn 29. maí. Tröllaskagatúr um hvítasunnu. Blönduós – Sauðárkrókur – Hofsós – Ketilás – Siglufjörður – Ólafsfjörður – Dalvík – Akureyri og þaðan heim um Öxnadalsheiði. Veljum daginn eftir veðri Nánar auglýst síðar á www.smaladrengir.is og Facebook síðu Smaladrengja

Júní

Laugardagurinn 5. júní. Óvissuferð. Nánar auglýst deginum áður áwww.smaladrengir.is Ath. Sjómannadagurinn er sunnudaginn 7. júní.

Föstudagurinn 17. júní. Hóphjólaferð um Skagafjörð þar sem byrjað verður í Varmahlíð kl: 13:30 og endað á Sauðárkróki með hópkeyrslu um bæinn. Eða haldið til Akureyrar um hádegi á bíla-og hjólasýningu Akureyringa sem stendur til kl: 17:00.

Júlí
Fimmtudagur 1. júlí til sunnudags 3. júlí Landsmót Bifhjólafólks 2016 verður haldið fyrstu helgina í júlí. Goðar Bifhjólaklúbbur sjá um Landsmót að þessu sinni. Mótið verður haldið á Iðavöllum, ca. 11 km innan við Egilsstaði. Sjá nánar á www.sniglar.is

Laugardagurinn 10. júlí. Óvissuferð. Nánar auglýst á www.smaladrengir.isdeginum áður.

Laugardagurinn .? júlí. Matur og menning á Blönduósi. Hjólasýning á Blönduósi þar sem Smaladrengir koma á sínum hjólum. Nánar auglýst áwww.smaladrengir.is fyrr í vikunni.

Mærudagar á Húsavík ???.júlí.
Bæjarhátíðin Mærudagar er haldin á hverju sumri á Húsavik og fer hún fram síðustu helgina í júlí. Hátíðarsvæðið er við höfnina, dagskráin er fjölbreytt og bæjarbúar taka virkan þátt m.a. með skreytingum á bænum í hverfalitlum. Nánar auglýst á www.smaladrengir.is fyrr í vikunni.

Laugardagurinn ??. júlí. Hjóladagar á Akureyri á vegum Mótorhjólasafns Íslands og Tíunnar. Sjá nánar á www.motorhjolasafn.is og nánar auglýst síðar á www.smaladrengir.is

Ágúst

Föstudagurinn 29. júlí til mánudagsins 1. ágúst. Verslunarmannahelgin. Hvað um Síldarævintýrið á Sigló eða aðra viðburði um helgina? Það er nóg um að vera, nánar auglýst á www.smaladrengir.is

Laugardagurinn 6. ágúst. Undirbúningur fyrir Fiskidaginn mikla 2016 er í fullum gangi. Fiskisúpukvöldið er föstudaginn 5. ágúst og Fiskidagurinn mikli sjálfur laugardaginn 6. ágúst.
Laugardagurinn 20. ágúst. Óvissuferð nánar auglýst á www.smaladrengir.is

September

Laugardagurinn 3. sept. Ljósanótt í Reykjanesbæ. Nánar auglýst áwww.smaladrengir.is sjá dagskrá á www.ljosanott.is

Kveðja frá ferðanefnd, með von um gott hjólasumar.
Guðmundur R. Þorkell V. og Svavar

10 júní á Sauðárkróki,  endilega mætið með hjólið í skoðun.  nánar síðar.

Heil og sæl

Þar sem nú eru liðin rúm fjögur ár frá því að ég tók að mér að vera formaður í klúbbnum okkar,  fanst mér komin tími til að annar tæki við kéflinu og gaf því ekki kost á mér í þetta skiptið.  Ég vil þakka ykkur fyrir mjög ánæjulegan tíma sem liðin er og hlakka til að hjóla með ykkur í frammtíðinni,  eins vil ég óska níum formanni Baldri Sigurðssini  velfarnaðar og vonandi sjáumst við sem flest í sumar í ferðum okkar. Farið varlega í umferðinni og komið heil heim.

Kærar þakkir fyrir mig.  Svavar Sigurðsson #76

Aðalfundur Vélhjólafélags Smaladrengja haldinn í Bóknámshúsi FNV mánudaginn 29. febrúar kl. 20:00.

Svavar Sigurðsson var kjörinn fundarstjóri og Þorkell V. Þorsteinsson var kjörinn ritari.

1. Skýrsla stjórnar
Svavar Sigurðsson, formaður, flutti skýrslu stjórnar. Þar kom m.a. fram að tíðarfar var hjólamönnum ekki hagstætt síðasta sumar og að hefðundinni dagskrá var frestað sumardaginn fyrsta, en þrír harðjaxlar létu sig samt hafa að hjóla þann dag. Þann 1. maí var farið á níu hjólum og rennt í Maddömukot. Skoðunardagur var 5. júní og vel mætt á hann. Á sjómannadaginn var farið á þremur hjólum á Skagaströnd í skítakulda og daginn eftir í Hofsós. Á þjóðhátíðardaginn var farinn hringur á sex hjólum í góðu veðri. Þann 19. júní var bænastund haldin við fallið á 10 ára afmæli Fallsins, sem er einnig stofndagur Vélhjólafélags Skagafjarðar.
Formaður ræddi möguleika á að halda 19. júní hátíðlegan í tilefni af afmælisdegi Fallsins. Þann 20. júní var farin sumarsólstöðuferð í Hofsós á þremur hjólum. Þann 16. júli var fóru nokkrir félagar í mótormessu að Möðruvöllum í Hörgárdal og þann 18. júlí var farið á Húnavöku. Einhverjir fóru á Fiskidaginn á Dalvík. Loks fóru níu manns á sjö hjólum í mat að Gauksmýri þann 25. ágúst. Ferðin var hin ánægjulegasta þrátt fyrir skítakulda og svartaþoku.

2. Endurskoðaðir reikningar.
Páll Stefánsson fluttir skýrslu gjaldkera. Skuldir og eigið fé nema kr. 582.529. Reikningarnir samþykktir samhljóða. Ákveðið að hafa árgjaldið óbreytt.

3. Kosning formanns og kosning í nefndir og ráð.

Baldur Sigurðsson var kjörinn formaður til tveggja ára.
Þorkell V. Þorsteinsson var kjörinn ritari.
Páll Stefánsson var kjörinn gjaldkeri.
Björn Þórisson var kjörinn meðstjórnandi.
Steinn Elmar Árnason var kjörinn merkisberi.
Trausti Helgason var kjörinn skoðunarmaður reikninga.
Í ferðanefnd voru kjörnir:
Elmar Sveinsson
Guðmundur R. Stefánsson
Svavar Sigurðsson

Í netsíðunefnd voru kjörnir:
Elmar Sveinsson
Valgeir M. Valgeirsson
Pétur Ingi Björnsson

4. Önnur mál.
Rætt var um að leggja áherslu á dagsferðir í sumar í stað lengri ferða og tifærslu á bænastundinni við Fallið þó áfram verði haldið með ferðir að Fallinu á sumardaginn fyrsta. Rætt um mismunandi úfærslur, en áhugi á að gera meira úr athöfn við Fallið í tengslum við Bíladaga á Akureyri t.d. á heimferðardegi að þeim loknum. Stjórninni er falið að útfæra hugmyndina nánar. Þá var stjórninni falið að taka saman félagalista og gera hann aðgengilegan fyrir félagsmenn.

Fleira ekki gert og fundi slitið.
Þorkell V. Þorsteinsson
Baldur Sigurðsson
Björn Þórisson
Elmar Sveinsson
Gunnar Ingi Gunnarsson
Kristján Óli Kristjánsson
Símon Skarphéðinsson
Svavar Sigurðsson
Páll Stefánsson
Traust Jóel Helgason
Valgeir Valgeirsson

Aðalfundur Smaladrengja 2016